樓巿檢閱之買家可呌暑

(陳永道) 2010年8月14日

早前無落車的炒家，現在應該會有點不安，事關政府昨日突出招打壓樓巿，力度有番咁上下，加上擺明針對炒家，事實上個巿都真係升得過份左，因此就算無政府出招，個巿都要調整吓，現時樓巿氣氛突改，拖累睇楆量急跌一成，跌幅之大，近年少見。

政府出招打壓樓市，即令買家入市熱情冷卻。根據美聯統計資料顯示，本港15個指標二手屋苑周末(8月14日至8月15日)的預約睇樓量共錄得約2,264組，較上周的2,515組跌1成，終止連續10個星期的增長，反映市場關注後市走勢，睇樓氣氛未見活躍。

港島區內4個指標屋苑於周末的預約睇樓量錄得約580組，較上周的640組跌約9.4%。，市場氣氛觀望，二手交投放緩，故太古城本周末預約睇樓量按周跌16.7%，錄150組。

九龍區7個指標屋苑周末預約睇樓量錄得約1094組，較上周末的1220組減少逾1成。美孚新村本月已今錄得約65宗成交，與上月同期相約，本周末預約睇樓量錄得270組，按周下跌10%。

新界區4個指標屋苑本周末預約睇樓量錄得約590組，較上周末的655組減少約9.9%。本月至今嘉湖山莊錄得約60宗成交，較上月同期減少2成半，主要原因是由於早前市場已大量吸納筍價單位，而本周末嘉湖山莊只錄約260組預約睇樓。沙田第一城交投本月交投亦見回落，至今該屋苑錄48宗成交，較上月同期銳減36%，本周末睇樓量則約180組，較上周減少1成。

下周二拍賣兩幅九龍地，預料競投氣氛會急速涷却，參考該兩地的賣地成績，就可重新訂定個人的投資策略。

富誠Apps	按揭計算	我的收藏
樓盤搜尋	成交搜尋	聯絡我們